නයි බිම්මලක කතාව
අරටුවෙහි නොව දිරූ පොතුමත
පිපී හිනැහෙන - බිම්මල්
දහයියා මත මුදු පහස් ලැබ
තරව බැබළෙන - බිම්මල්
සුවඳ නැතිවද අසංවේදී
පිරිවරන කෘමි - බිම්මල්
උරාගෙන හිරු රැස් ඔවුන් වෙත
හෙළන අඳුරම - අන්දම්
සුදෝ සුදු පිරුවටින් දැවටී
සිනා වගුරන - බිම්මල්
රෑ අඳුර යට විත් නයින් පිඹි
විසක්වත් නැති - අන්දම්
පැළඳ ආඩම්බර මුහුණු පොඩි
අරටුගත බව - පෙන්නන්
වූ නමුත් බිම් මලක්යැයි නුඹ
බිමට දුර වූ - අන්දම්
ප්‍රසාද් නිරෝෂ
No comments:
Post a Comment