සාදයට ආරාධනා
පැලි පොළොව ඔලොක්කුවට
ඇද කරන‚
අතුළ මළපුඩු
සිඹින
කුර ගෙවුණු ජීවිතය
මාන්නා හිස් ගිනි කඳ
කිමැයි කරනා සරදම
වයනු රිසි මහතුන
නොව කළු වියළි සුළඟින
ඇල්පවන් පත් ද හඬවන
බුන් තතින් ඉකිලන
මහද නිදිනැති
වෙණ
වෙඩිතියන්න
සිදුරුවූ හදවතට
නොකරාම කිසි
සරදම
තුවක්කුවට හදවතක් නැත
උණුහුමින වැගිරෙන
හදවත වෙලා උතුරන
පුරවාගන්න
මීවිත
ගෝත්‍රික චෂකය මත
තබනුමැන ඒ
මීවිත
රස මසවුලුත් සමඟින
වටමේස තල මත
ශ්වේත සලූ අතුරන
සුදන් සභා සනහන
අවසාන සාදයට
- ප්‍රසාද් නිරෝෂ බණ්ඩාර
No comments:
Post a Comment