සිරිඟි කා මියෙමි - ගත සවි නැතිය මහතුනී
දිව ඇද කා මියෙමි - සිත සවි නැතිය මහතුනී
කර වැල ලා මියෙමි - වැලකුත් නැතිය මහතුනී
කවියක් ලියා පවසමි - කවිකම් කොහිද මහතුනී
පෙන්වන රිසින් මෙන අප නොහැකියාවම
පෙන්වන රිසින් මෙන අප නිකමුන් බවටම
සහතික කර තිබෙන ඔබ ගැසට් පතකින
අයදුම් පතක් ඇත රැකියා විභාගෙට
අනේ මහතුනේ මට උන වියෝයා
තැපල් කරමි එය කඳුලක් ද බහයා
මගෙම නෙමෙයි ඒ කඳුලූ බෝයා
මවකගෙ සහ පෙම්වතියක ඇසේයා
ඇතෙක් වගේ පුතකුන් ලත් සොම්නසින
ලොවක් දිනූ මෙන් තුටු කඳුලූ වැගිරුන
දොසක් නිසා විද ඒ කඳුල සීතල
නිකමකු කෙසේ මවකගෙ කඳුලූ පිසිනෙද
පෙම්මා පුතුන් දිව විකමින් වෙහෙසෙම්මා
වම්මා කඳුලූ නොසලා ඇස හංගම්මා
නිකමෙකු වැදු සොවින කෙලෙසක වෑවෙම්මා
සම්මා නිවන් කෙලෙසකනම් පතනෙම්මා
*** *** *** *** ***
සිරිඟි කා මියෙමි - ගත සවි නැතිය මහතුනී
දිව ඇද කා මියෙමි - සිත සවි නැතිය මහතුනී
කර වැල ලා මියෙමි - වැලකුත් නැතිය මහතුනී
කවියක් ලියා පවසමි - කවිකම් කොහිද මහතුනී
සක්මන් කරන මලූවෙක හිඳ බැඳ හාද
සතපා කටු යහන විඳ විඳ බඳ සුවඳ
විසිතුරු හීන මත නෙත් කෙවෙනි තැවරුව
සමා වුව මැනව මේ නිකමාට බොරු කළ
තැවරූ හීන දියවක රෑක බොඳ වුන
සෙනසුරු ගෙවෙනු කෙලෙසක සීතල රෑක
හදවත් ගැහෙනු නැත ගොළු වියරු කතරෙක
නරකෙස් නැගේ අබිනික්මන් කරන්නද
හරිනෙමි මිටින් ඉගිලෙනු මැනවි සඳවත
සිරිඟි කා මියෙමි - ගත සවි නැතිය මහතුනී
දිව ඇද කා මියෙමි - සිත සවි නැතිය මහතුනී
කර වැල ලා මියෙමි - වැලකුත් නැතිය මහතුනී
කවියක් ලියා පවසමි - කවිකම් කොහිද මහතුනී
අනේ මහතුනේ මට උන වියෝයා
තැපල් කරමි එය කඳුලක් ද බහයා
මගෙම නෙමෙයි ඒ කඳුලූ බෝයා
මවකගෙ සහ පෙම්වතියක ඇසේයා
ලබන්නට කෙසේ හෝ යළි පළමු තැන
ගැසට් පතින් සහතික කරපු ඒ තැන
නිකමුන් අතර නිකමුනගේ පළමු තැන
ආසයි මහතුනේ, පිළිගන්න මේ පත!
- ප්‍රසාද් නිරෝෂ බණ්ඩාර
සිතුවම හර්ෂා රූපරත්න
This comment has been removed by the author.
ReplyDelete