එක හීනයක පියවර

එක හීනයක පියවර
ඔබ හිටිය
දෑසම වසාගෙන
කෝ නින්දකට අවසර
කූද්දන්නටමය අධිටන
නිස්කලංකෙක දලුලන
උපහාසයේ ලතු තැවරුණ
ඇත්තමයි ඔබ හිටියෙම
දෑසම තදින් වහගෙන
පැඟිරි කටුවක් ලෙල්ලක්
උල් නියක් දිය බිඳුවක්
සිහිනයක මග අවුරන
ඇසිල්ලෙක නෙත් තෙත් කර
නැතිය කිසිවක්ම ඔබ ළඟ

සිහිනෙකට කොයි අවසර
නුඹ හිටියෙ
නෙත් කෙවෙනි පාමුල

හරි අධිටනකි නුඹ වත
වැසුණු දෑසක් පවසන
මගෙ සිහිනයේ පියවර
ඇස් කෙවෙනි යටම මියැදෙන

උපහාසයක ලතු තැවරුණ
ඔබ හිටියෙ
සිහිනයක පියවර

ගෙන්දගම් පාරක
පැකිලූණු පාද අහුරන
ඒ සිහිනයේ පිරිපත
සුළැඟිලි තුඩින් පාරන

නින්දකට කොයි අවසර
හෙමි හෙමින්
යළි යළිත් පෑරෙන

ඒත් නුඹ හිටියෙම
දෑසම තදින් වහගෙන


- ප්‍රසාද් නිරෝෂ බණ්ඩාර